“Toshkent – Andijon” yo‘nalishida yangi tezyurar elektropoyezd qatnaydi

Ertaga, 10 sentyabrdan “Toshkent–Andijon–Toshkent” yo‘nalishida zamonaviy tezyurar CRRC-Dalian elektropoyezdi qatnovi yo‘lga qo‘yiladi. Bu haqda Transport vazirligi xabar berdi.

Qayd etilishicha, yangi elektropoyezd amaldagi 730/729-sonli poyezd tarkibi o‘rniga harakatlanadi.

730-sonli “Toshkent – Andijon” poyezdi quyidagi vaqtlarda harakatlanadi:

• Toshkent-Yolovchi – 09:20;
• Angren – 10:25;
• Pop – 12:00;
• Qo‘qon – 12:28;
• Marg‘ilon – 13:00;
• Andijon – 13:35.

729-sonli “Andijon – Toshkent” poyezdi esa:

• Andijon – 15:38;
• Marg‘ilon – 16:11;
• Qo‘qon – 16:43;
• Pop – 17:11;
• Angren – 18:50;
• Toshkent-Yolovchi – 19:53.

Ma’lum qilinishicha, elektropoyezd tarkibida 4 ta ekonom klassdagi vagon bo‘lib, ularning uchtasida 95 nafardan, bittasida esa 72 nafar yo‘lovchi uchun o‘rin mavjud. Jami 357 ta o‘rindiq ko‘zda tutilgan.

Shuningdek, 10 sentyabrdan “Toshkent – Farg‘ona” vodiysi yo‘nalishida qatnovchi qator yo‘lovchi poyezdlarining harakat jadvaliga o‘zgartirishlar kiritiladi.

Eslatib o‘tamiz, joriy yilning 7 sentyabridan boshlab “Parkent – Toshkent – Parkent” yo‘nalishida zamonaviy shaharlararo elektropoyezd qatnovi yo‘lga qo‘yilgan edi.