Toki imkoniyat bor ekan, biz harakat qilamiz – Gvardiola

“Manchester Siti” klubi bosh murabbiyi Xosep Gvardiola jamoasining Chempionlar ligasi 1/8 final bosqichiga chiqish imkoniyati haqida gapirdi. Bu haqda “The Independent” nashri xabar berdi.

“Agar mendan “Bernabeu”dagi o‘yinda g‘alaba qozonish ehtimoli haqida so‘ralsa, hozirgi vaziyatni inobatga olgan holda, g‘alaba qozonish foizini 1 ga baholayman. Lekin imkoniyat bor ekan, biz harakat qilamiz”, deydi Gvardiola.

Ma’lumot o‘rnida, 12 fevralga o‘tar kechasi “Manchester Siti” - “Real Madrid” o‘rtasidagi ilk o‘yinda madridliklar 3:2 hisobida g‘alaba qozongan. Javob o‘yini 20 fevralga o‘tar kechasi Madriddagi “Santyago Bernabeu”da bo‘lib o‘tadi.

Eslatib o‘tamiz, “Manchester Siti” “qirollik klubi”ga qarshi o‘yindan oldin, ya’ni 15 fevral kuni APL 25-turi uchrashuvida maydonga tushdi va “Nyukasl”ni yirik 4:0 hisobida mag‘lubiyatga uchratdi. O‘yinda o‘zbekistonlik futbolchi Abduqodir Husanov asosiy tarkibda maydonga tushdi va to‘liq 90 daqiqa harakat qildi. “Real” esa La Liga doirasida “Osasuna” bilan durang o‘ynadi.