TIV o‘zbek-afg‘on chegarasidagi vaziyat bo‘yicha qo‘shimcha ma’lumot berdi

Jamiyat

image

Bugn, 15 avgust soat 10.00 holatiga ko‘ra, Termiz-Hayraton ko‘prigi hududida vaziyat yumshadi. Bu haqda O‘zbekiston Tashqi ishlar vazirligi xabar berdi.

Xususan, ko‘prikning Afg‘oniston qismida to‘plangan Afg‘oniston fuqarolarining asosiy qismi ko‘prikni va unga tutash hududni mustaqil ravishda tark etgan. 

“Bunga faol siyosiy va diplomatik sa’y-harakatlar, shuningdek, olib borilgan tushuntirish ishlari natijasida erishildi”, deyiladi xabarda.

Avvalroq, TIV 84 nafar Afg‘onisto harbiysi O‘zbekiston tomonga qochib o‘tgani, DXX Chegara qo‘shinlari xizmatchilari ularni ushlaganini ma’lum qilgandi.

Eslatib o‘tamiz, kecha, 14 avgust kuni Afg‘oniston shimolidagi Mozori-Sharif shahri "Tolibon" nazoratiga o‘tdi. Shu bilan birga Kunar va Nangarxor viloyatlari markazlarini ham nazoratiga olgan.


Maqola muallifi

Teglar

TIV Tolibon Afg'onistondagi keskinlik

Baholaganlar

1233

Reyting

3

Maqolaga baho bering

Doʻstlaringiz bilan ulashing