TikTok matnli postlar yaratish funksiyasini taqdim etdi

TikTok “TikTok Now“ deb nomlangan yangi funksiyasini taqdim etadi. Bu yangilanish ijtimoiy tarmoq foydalanuvchilariga matnli postlar yaratish imkonini beradi. Bu haqda “Postium” nashri ma’lum qildi.

“TikTok Now“ funksiyasi orqali endi platformaga joylanadigan kundalik postlarga hikoyalar, qo‘shiqlar, tovushlar, stikerlar, she’rlar, eslatmalar va boshqa elementlarni qo‘shish mumkin. Shuningdek, kontentni boshqalar bilan bo‘lishish imkoniyati mavjud. 

Endi foydalanuvchilar ayni vaqtda nima bilan band ekanliklarini ulashish uchun 10 soniyalik video suratga olishadi. Funksiya BeReal ilovasi imkoniyatlarini eslatadi. Bundan avval ham ushbu ilova funksiyalari bir nechta platformalar tomonidan nusxalangan. 

Eslatib o‘tamiz,YouTube video platformasi ham sozlamalariga “Barqaror ovoz balandligi” deb nomlangan qo‘shimcha funksiyasini kiritdi.
Instagram’da esa postlarni boshqa foydalanuvchilarga tavsiya etish yoki etmaslik to‘g‘risida yangi funksiya ishlab chiqildi.

Shuningdek, 21 iyul kuni Telegram  uzoq kutilgan storislar xizmatini taqdim etdi.

Sevara Husniddinova