TikTok матнли постлар яратиш функциясини тақдим этди

TikTok “TikTok Now“ деб номланган янги функциясини тақдим этади. Бу янгиланиш ижтимоий тармоқ фойдаланувчиларига матнли постлар яратиш имконини беради. Бу ҳақда “Postium” нашри маълум қилди.

“TikTok Now“ функцияси орқали энди платформага жойланадиган кундалик постларга ҳикоялар, қўшиқлар, товушлар, стикерлар, шеърлар, эслатмалар ва бошқа элементларни қўшиш мумкин. Шунингдек, контентни бошқалар билан бўлишиш имконияти мавжуд. 

Энди фойдаланувчилар айни вақтда нима билан банд эканликларини улашиш учун 10 сониялик видео суратга олишади. Функция BeReal иловаси имкониятларини эслатади. Бундан аввал ҳам ушбу илова функциялари бир нечта платформалар томонидан нусхаланган. 

Эслатиб ўтамиз,YouTube видео платформаси ҳам созламаларига “Барқарор овоз баландлиги” деб номланган қўшимча функциясини киритди.
Instagram’да эса постларни бошқа фойдаланувчиларга тавсия этиш ёки этмаслик тўғрисида янги функция ишлаб чиқилди.

Шунингдек, 21 июль куни Telegram  узоқ кутилган сторислар хизматини тақдим этди.

Севара Ҳусниддинова