“So‘g‘diyona” O‘zbekiston MTJning sobiq a’zosi bilan shartnoma imzoladi

Sport

−

27 dekabr 2024 visibility4722 timer1 daqiqa

Jizzaxning “So‘g‘diyona” klubi O‘zbekiston terma jamoasi sobiq himoyachisi Yegor Krimetsni tarkibga qo‘shib oldi. Bu haqda klub matbuot xizmati xabar berdi.

“Yangi mavsum oldidan tarkibni kuchaytirishda davom etayotgan “So‘g‘diyona” yana bir tajribali futbolchini o‘z safiga qo‘shib oldi. Klub O‘zbekiston terma jamoasi sobiq a’zosi, mahoratli himoyachi Yegor Krimets bilan shartnoma imzoladi. Ushbu kelishuv 2025 yilning oxirigacha amal qiladi”, deyiladi xabarda.

Ma’lumot o‘rnida, 32 yoshli markaziy himoyachi o‘tgan mavsumni “Surxon”da o‘tkazgan. Futbolchilik faoliyati davomida u “Paxtakor”, “Beyjing Goan”, “Navbahor”, “Surxon” klublarida to‘p tepgan. O‘zbekiston terma jamoasidagi debyut o‘yinini 2013 yilda o‘tkazgan.

Eslatib o‘tamiz, avvalroq Navoiyning “Qizilqum” klubi o‘z safiga taniqli darvozabon Sanjar Quvvatovni qo‘shib olgani xabar qilingandi.

Maqola muallifi