Kurs UZS

USD

12 920.44

5.44

EUR

14 252.54

295.3

RUB

153.52

-0.03

Sirdaryoda avtobus 3 ta yengil avtomobil bilan to‘qnashdi

Jamiyat

image

Bugun, 1 aprel kuni Sirdaryo viloyati Oqoltin tumanida yo‘lovchi tashuvchi avtobus 3 ta mashina bilan to‘qnashib ketdi. Bu haqda viloyat Yo‘l harakati xavfsizligi boshqarmasi xabar berdi.

Ma’lum qilinishicha, soat 16:15 lar atrofida Sirdaryo viloyati Oqoltin tumani “Ahillik” MFY hududidan o‘tuvchi M-39 avtomobil yo‘lining 925-kilometrida Termiz-Toshkent yo‘nalishida Nexia, Matiz va Cobalt rusumli yengil avtomobillar hamda Yutong rusumli avtobus ishtirokida yo‘l-transport hodisasi sodir bo‘lgan.

Qayd etilishicha, YTH oqibatida tan jarohati olganlar yo‘q.

“Hodisa joyida YHXB xodimlari tomonidan surishtiruv ishlari olib borilmoqda”, deyiladi xabarda.

Eslatib o‘tamiz, avvalroq Toshkent viloyatida Howo, Zil, Cobalt va Nexia  rusumli avtomobillar o‘rtasida yo‘l-transport hodisasi yuz bergandi. Ushbu yo‘l-transport hodisasi natijasida harakat ishtirokchilari sog‘lig‘iga ziyon yetmagan. Transport vositalari texnik shikastlangan.


Maqola muallifi

Teglar

Sirdaryo avtobus

Baholaganlar

0

Reyting

3

Maqolaga baho bering

Doʻstlaringiz bilan ulashing