Shvetsiya chempionatida noodatiy o‘yin bo‘lib o‘tdi

Shvetsiya futbol chempionatida AIK va “Brommapoykarna” jamoalari o‘rtasidagi uchrashuvning ikkinchi bo‘limida 11 ta gol kiritildi. Bu haqda “TV4” nashri xabar berdi.

Joriy yilning 10 oktyabr kuni bo‘lib o‘tgan uchrashuvning birinchi bo‘limi 0:0 hisobida yakunlangan. Ikkinchi bo‘limda esa maydonda kutilmagan voqealar ro‘y bergan. 75-daqiqaga kelib, AIK raqibidan 0:5 hisobida ortda qolayotgan bo‘lgan. Shundan keyin jamoa vaziyatni o‘zgartirishga urinib, qisqa vaqt ichida beshta gol urishga muvaffaq bo‘lgan. Biroq “Brommapoykarna” yana bir bor raqib darvozasini ishg‘ol qilib, 6:5 hisobida g‘alaba qozongan. Shu tariqa, ikkinchi bo‘limda jami 11 ta gol urilgan.

Manbaga ko‘ra, bu natija Shvetsiya chempionatida 1945 yildan beri saqlanib kelgan bir bo‘limda eng ko‘p gol kiritish rekordini yangilagan. Shuningdek, ushbu natija Yevropaning yetakchi futbol ligalari tarixidagi eng g‘ayrioddiy golli bo‘limlardan biri sifatida qayd etildi.

E’tiborlisi, uchrashuvning dastlabki 45 daqiqasida birorta ham gol urilmagan bo‘lsa, tanaffusdan keyin jamoalar darvozalarga jami 11 marta yo‘l topgan.