Shahram G‘iyosov raqibini nokautga uchratib, g‘alaba qozondi (video)

Professional boksning super yengil vazn toifasida (-63,5 kg) ringga chiqayotgan o‘zbekistonlik Shahram G‘iyosov (10-0, 8 KO) o‘zining navbatdagi jangini nikaragualik Uiston Kamposga (31-8-6 , 19 KO) qarshi o‘tkazdi.

G‘iyosov va Kampos jangi muddatidan avval yakunlandi. O‘zbekistonlik bokschi uchinchi raund oxirida raqibini nokautga uchratdi.

Nikaragualik bokschini mag‘lub qilgan G‘iyosov professional boksdagi o‘ninchi jangida 10-g‘alabasini qo‘lga kiritdi.

Shakhram Giyasov improves to 10-0 🇺🇿💯 pic.twitter.com/AQs7CoEAs2

— DAZN USA (@DAZN_USA) August 16, 2020

U so‘nggi marta 2019 yilning avgustida Meksikada ringga ko‘tarilib, kolumbiyalik sobiq jahon chempioni Darlis Peresni (33-4-2, 21 KO) mag‘lub etgan va WBA International chempionlik kamarini himoya qilgandi. 

U navbatdagi jangini meksikalik Fransisko Roxoga qarshi o‘tkazishi rejalashtirilgandi, ammo Roxoda koronavirus aniqlangani sabab, raqib o‘zgardi.