Saylov natijalari e’lon qilindi

O‘zbekiston Respublikasi Prezidenti saylovi natijalari e’lon qilindi. Bu haqda Markaziy saylov komissiyasi xabar berdi.

Natijalarga ko‘ra, O‘zbekiston Respublikasi Prezidenti etib O‘zbekiston Liberal-demokratik partiyasidan O‘zbekiston Respublikasi Prezidentligiga nomzod – Shavkat Miromonovich Mirziyoyev 87,05 foiz ovoz bilan 7 yil muddatga saylandi.

Shuningdek:

O‘zbekiston Xalq demokratik partiyasidan O‘zbekiston Respublikasi Prezidentligiga nomzod Ulug‘bek Ilyasovich Inoyatov – 4,02 foiz;

O‘zbekiston “Adolat” sotsial-demokratik partiyasidan O‘zbekiston Respublikasi Prezidentligiga nomzod Robaxon Anvarovna Mahmudova – 4,43 foiz; 

O‘zbekiston Ekologik partiyasidan O‘zbekiston Respublikasi Prezidentligiga nomzod Abdushukur Xudoyqulovich Hamzayev – 3,74 foiz ovozga ega bo‘lgan.

Prezident saylovida 15,6 mln kishi, ya’ni saylovchilarning 79 foizi ovoz berdi.

Haqiqiy emas deb topilgan ovozlar soni 117 889 yoki 0,76 foizni tashkil qildi. 

Sevara Husniddinova