Saudiya britaniyaliklar uchun elektron vizadan voz kechdi

Saudiya Arabistoniga tashrif buyurmoqchi bo‘lgan barcha Britaniya fuqarolari endi sayohat oldidan tashrif vizasini olishi shart bo‘lmaydi va ular bir kirishda olti oygacha qirollikda qolishi mumkin. Bu haqda “Arabnews” nashri xabar berdi.

Keltirilishicha, britaniyalik sayohatchilar vazirlikning vizalar portali visa.mofa.gov.sa orqali 90 kundan 48 soatgacha murojaat qilishi mumkin. Tasdiq ariza topshirilgandan keyin 24 soat ichida elektron pochta orqali yuboriladi.

Ma’lumot uchun, Buyuk Britaniya Saudiya Arabistoni fuqarolari uchun 2022 yil 1 iyundan kuchga kirgan shunga o‘xshash EVW usulini ishga tushirgan. Unga ko‘ra, Buyuk Britaniyaga tashrif buyurishni istagan Saudiya Arabistoni fuqarosi sayohatdan oldin tashrif vizasi olishi shart bo‘lmaydi. Ariza beruvchilardan biometrik ma’lumotlarni taqdim etish, vizaga murojaat qilish markaziga borish yoki EVW uchun sayohatdan oldin pasportlarni topshirmasa ham bo‘ladi. Biroq, Buyuk Britaniyada ishlash, o‘qish va yashash uchun viza talablari saqlanib qolmoqda.