Saudiya Arabistonida kuchli suv toshqini yuzaga keldi (video)
Olam
−
07 yanvar 6978
Saudiya Arabistonining katta hududlari, jumladan, muqaddas Makka va Madina hamda Jidda shaharlari hududlarida kuchli yomg‘irdan keyin suv toshqini yuzaga keldi. Bu haqda "Daily Mail" xabar berdi.
Yo‘llarda suv toshib, mashinalarni oqizib ketayotgani aks etgan video ijtimoiy tarmoqlarda tarqaldi.
Shuningdek, Saudiya Arabistoni milliy meteorologiya markazi Makka, Madina va Jidda shahri uchun xavfdan ogohlantirishning eng yuqori darajasini e’lon qilib, barcha jamoat joylarini yopgan. Xususan, Sharqiy viloyat va Ar-Riyoddagi maktablar ham yopilgan.
Ma’lumot uchun, Saudiya Arabistonida 2009 yildagi kuchli toshqinda 100 dan ortiq odam halok bo‘lgan.
Eslatib o‘tamiz, 2023 yilning avgust oyida Saudiya Arabistonida yog‘ingarchilik ortidan kuchli to‘fon yopirilgandi. Ko‘plab hududlarni suv bosgan. Madina, Makka, Asir, Jazan va Al-Baha kabi hududlarda kuchli momaqaldiroq kuzatilgan. Sharqdan esgan shamol butun mamlakat bo‘ylab katta talofatlarga sabab bo‘lgan.
Live
Barchasi
