Samarqandda Damas va Isuzu to‘qnashdi. Qurbonlar bor
3-sahifa
−
02 iyul 2021 6261
Kecha, 1 iyul kuni Samarqand viloyatining Payariq tumanida Isuzu rusumli avtobus va Damas to‘qnashishi natijasida ikki kishi halok bo‘ldi. Bu haqda Samarqand viloyati IIB YHXB xabar berdi.
YTH soat 12:00 larda Payariq tumani “Eshmonsoq” MFY hududidan o‘tuvchi 4R-48 avtomobil yo‘lining 26-km.da sodir bo‘lgan. “Jizzax-Gagarin-Samarqand-Payariq” yo‘nalishida aholiga xizmat ko‘rsatuvchi avtobusning yo‘liga, qarama-qarshi tomondan harakatlanib kelayotgan Damas rusumli transport vositasining chiqib ketishi natijasida to‘qnashuv sodir bo‘lgan.
To‘qnashuv natijasida, Damas ichida bo‘lgan ikki nafar fuqaro hodisa joyida vafot etgan.
Holat yuzasidan Samarqand viloyati IIB huzuridagi Tergov boshqarmasi tomonidan O‘zbekiston Respublikasi JKning 266-moddasi 3-qismi bilan jinoyat ishi qo‘zg‘atilgan.
