Samarqandda avtobus traktor tirkamasiga urildi. Yo‘lovchi jarohatlandi

Samarqand viloyatining Narpay tumanida kecha, 30 oktyabr kuni Yutong avtobusi traktor tirkamasi bilan to‘qnashdi. Bu haqda viloyat Yo‘l harakati xavfsizligi axborot xizmati xabar berdi.

Qayd etilishicha, hodisa kecha, 30 oktyabr kuni soat 21:00 larda Narpay tumani “Didan” MFY hududidan o‘tuvchi M-37 Samarqand-Buxoro-Turkmanboshi avtomobil yo‘lining 115-kilometrida sodir bo‘lgan.

Samarqand-Buxoro yo‘nalishida Yutong Bus ZKB 122 rusumli avtobusni boshqarib kelayotgan haydovchisi yo‘lning belgilangan qismidan qayrilib olayotgan, o‘zi bilan bir yo‘nalishda harakatlanib ketayotgan TTZ 80.1 rusumli traktorining tirkamasiga kelib urilgan. Oqibatda avtobus yo‘lovchisi jarohat olib, shifoxonaga yotqizilgan.

Holat yuzasidan tuman IIB YHXB tomonidan dastlabki surishtiruv ishlari boshlangan.

Eslatib o‘tamiz, 3 oktyabr kuni Samarqand viloyatida Tracker, Nexia-2 hamda traktor tirkamasi bilan YTH sodir bo‘lgandi. Oqibatda Nexia-2 rusumli transport vositasi haydovchisi tan jarohati olib tuman tibbiyot birlashmasiga yotqizilgan.