Ruslan Nuriddinov besh karra Osiyo chempioniga aylandi
Sport
−
10 Fevral 2024 10212 1 daqiqa
Bugun, 10 fevral kuni Toshkent shahri mezbonlik qilayotgan og‘ir atletika bo‘yicha Osiyo chempionati yakunlandi. Oxirgi kun dasturi ham O‘zbekiston vakillari uchun medallarga boy bo‘ldi.
-109 kg vazn toifasida Olimpiada chempioni Ruslan Nuriddinov siltab ko‘tarish va ikki kurash bo‘yicha oltin medalga ega chiqdi. Uning jami ko‘rsatkichi 382 (175+207) kg ni tashkil etdi. Mazkur vaznning dast ko‘tarish bahslarida g‘oliblik yana bir o‘zbekistonlik sportchi 22 yoshli Sharofiddin Amriddinovga nasib etdi. Amriddinov umumiy hisobda 381 (176+205) kg toshni ko‘tarib, yakunida o‘z hisobiga yana ikkita kumush medalni qo‘shib qo‘ydi.
+109 kg vazn toifasida bahs olib borgan Rustam Jangaboyev O‘zbekiston terma jamoasi hisobiga yana bir bronza medalni keltirdi. U dast ko‘tarish mashqida 192 kg ko‘rsatishga muvaffaq bo‘ldi.
Live
Barchasi
