“Rostov” Shomurodov “Jenoa”ga o‘tganini e’lon qildi
Sport
−
01 Oktabr 2020 7622
Rossiyaning “Rostov” klubi o‘zbekistonlik hujumchi Eldor Shomurodov Italiyaning “Jenoa” klubiga o‘tayotganini e’lon qildi. Bu haqda jamoaning rasmiy saytida xabar berildi.
“Rostov” va “Jenoa” o‘rtasida hujumchining transferi bo‘yicha kelishuvga erishildi. Biz Eldorning sadoqati, gollari va jamoa muvaffaqiyatiga qo‘shgan hissasi uchun minnatdormiz”, deyiladi klub xabarida.
Eldor Shomurodov 2017 yilda “Rostov”ga o‘tgan. 3 yil davomida u 91 ta o‘yinda maydonga tushib, 18 ta gol urdi. O‘tgan mavsumda u 11 ta gol urib, jamoa to‘purari bo‘ldi.
Shomurodov “Rostov Arena” va mashg‘ulotlar bazasiga borib muxlislar, jamoa a’zolari va klub prezidenti bilan xayrlashdi. Shomurodovga u ilk bor “Rostov” safida gol urgan to‘pni sovg‘a qilishdi.
Avvalroq, Shomurodov “Jenoa”da yiliga 600-700 ming yevro maosh olishi haqida xabar berilgandi.
Live
Barchasi
