Rossiyada o‘zbekistonlik koronavirusdan vafot etdi
Olam
−
17 aprel 2020 14999
Rossiyaning Voronyoj shahrida 39 yoshli O‘zbekiston fuqarosi koronavirusdan vafot etdi. Bu haqda Voronyoj viloyatining koronavirus bo‘yicha tezkor shtabi ma’lum qildi.
Erkak 8-sonli Voronyoj tez tibbiy yordam shifoxonasida vafot etgan. U 10 kun davomida uyida davolanishga harakat qilgan, 8 aprelgacha shifokorlarga murojaat qilmagan. So‘ng 2 kun sun’iy nafas oldirish apparatiga ulangan.
O‘zbekistonlikning Rossiyada yashash uchun ruxsatnomasi bo‘lgan. U yaqinda Moskvadan Voronyojga kelgan.
So‘nggi ma’lumotlarga ko‘ra, Rossiyada 27 938 kishida koronavirus aniqlangan. Ularning 2304 nafari sog‘aygan va 232 nafari vafot etgan.
Avvalroq, AQSHning Nyu-York shahrida koronavirus yuqtirgan 3 nafar O‘zbekiston fuqarosi vafot etgani haqida xabar bergan edik.
