Rossiya Ukrainadagi urushga afrikalik yollanma askarlarni jalb qildi – UNIAN
Olam
−
13 may 11720
Rossiya afrikalik yollanma jangchilarni "Go‘sht maydalagich" deb ataladigan Ukraina frontining old chizig‘iga jalb qilyapti. Bu haqda razvedka ma’lumotlariga tayanib, UNIAN xabar berdi.
Qayd etilishicha, Afrika korpusi Rossiyaning Xarkov viloyatiga hujumida qatnashgan hamda kattagina yo‘qotishlarga uchragan.
“Yollanma jangchilar hali bunday urushga tayyor emas edi. Ruslar afrikaliklarning ko‘pchiligi tirik qaytmasligini bila turib, jangchilarni oldingi chiziqqa tashlayapti", deyiladi xabarda.
Qo‘shimcha qilinishicha, Rossiya Federatsiyasi jangovar harakatlarda foydalanish uchun kambag‘al mamlakatlardan yollanma askarlarni jalb qilishda davom etyapti. Ularning aksariyati Mali va Liviyadagi mojarolarda toblanib, tajriba oshirganini ham inobatga olish kerak. Nashrning yozishicha, shu yo‘l bilan Rossiya o‘z yo‘qotishlarini qoplashga urinyapti.
Live
Barchasi
