Ronaldu Tojikistonga bormaydi
Sport
−
05 dekabr 2023 8642
Saudiya Arabistonining “Al-Nasr” klubi va Portugaliya terma jamoasi sardori Krishtianu Ronaldu Dushanbega kelmaydi. Bu haqda “Istiqlol” klubi matbuot xizmati xabar berdi.
Futbolchi Eronning “Persepolis” klubi bilan o‘yindagi jarohatidan hali forig‘ bo‘lmagani uchun OCHL guruh bosqichi 6-turidan o‘rin olgan “Istiqlol” bilan o‘yinda ishtirok etolmaydi. “Al-Nasr” muddatidan avval OCHLda keyingi bosqich yo‘llanmasini naqd qilgan, “Istiqlol”ning esa allaqachon turnir bilan xayrlashishi ma’lum bo‘lgan.
Ronaldu oxirgi marta jamoasining “Al-Hilol” bilan o‘yinida maydonga tushdi. Bahsda Krishtianu jamoadoshlari 3:0 hisobida imkoniyatni boy bergandi.
Ma’lumot uchun, Osiyo Chempionlar ligasining 6-turidan o‘rin olgan “Istiqlol”-“Al-Nasr” o‘yini bugun, 5 dekabr kuni Toshkent vaqti bilan 21:00 da boshlanadi.
