“Real”ning sobiq a’zosi “qirollik klubi”ga qaytmoqchi
Sport
−
26 may 2023 7557
Marokash va PSJ terma jamoasining qanot himoyachisi Ashraf Hakimi “Real”ga qaytmoqchi. Bu haqda AS xabar berdi.
Hakimi “qirollik klubi” tarbiyalanuvchisi hisoblanadi.
Futbolchi PSJda 2021 yilning iyulidan buyon to‘p surib kemoqda. Ashrafning parijliklar bilan shartnomasi 2026 yilning iyuniga qadar amal qiladi. Futbolchining transfer narxi 70 million yevroga baholanmoqda.
Fransiya chempionatining joriy mavsumida marokashlik futbolchi 27 ta o‘yinda qatnashib, 5 ta gol urdi va 3 ta golli uzatmaga mualliflik qildi.
Eslatib o‘tamiz, shu yilning aprel oyida Ashraf Hakimi rafiqasi, aktrisa Xiba Abuk bilan ajrashishi haqida xabarlar tarqalgandi. 24 yoshli futbolchining rafiqasi ajrashish uchun ariza bergan va mol-mulkining yarmini talab qilgan, biroq sud 36 yoshli aktrisaga futbolchining hech narsasi yo‘qligi, barcha mol-mulk Hakimining onasi nomidaligi ma’lum qilingan.
Live
Barchasi
