“Real” Mbappe transferi uchun kurashmoqchi emas
Sport
−
13 mart 2023 4929
“Real Madrid” rahbariyati PSJ hujumchisi Kilian Mbappening transferidagi muammolar tufayli uni o‘z safiga qo‘shib olish bo‘yicha ishlarni to‘xtatdi. Bu haqda “Marca” xabar berdi.
Manbaga ko‘ra, madridliklar Mbappening ehtimoliy transferi bilan bog‘liq vaziyatdan allaqachon charchagan, klub endi Kilianning so‘zlariga ishonmaydi.
"Real Madrid" bu yozda fransiyalik futbolchi PSJni tark etishga qaror qilsa ham Kilian uchun kurashish niyatida emas. Shu bilan birga “Real” mutasaddilari PSJ hech qachon Mbappega bo‘lgan talablarini kamaytirmasligini bilib turibdi. Shu bois “qaymoqranglilar” yozda parijliklar bilan futbolchini sotib olish borasida muzokara olib borishni istamayapti.
Mbappe Fransiya chempionatining joriy mavsumida 23 ta o‘yinda maydonga tushib, 19 ta gol urdi va 3 ta golli uzatmaga mualliflik qilgan.
