“Реал” Мбаппе трансфери учун курашмоқчи эмас
Спорт
−
13 Март 2023 4569
“Реал Мадрид” раҳбарияти ПСЖ ҳужумчиси Килиан Мбаппенинг трансферидаги муаммолар туфайли уни ўз сафига қўшиб олиш бўйича ишларни тўхтатди. Бу ҳақда “Marca” хабар берди.
Манбага кўра, мадридликлар Мбаппенинг эҳтимолий трансфери билан боғлиқ вазиятдан аллақачон чарчаган, клуб энди Килианнинг сўзларига ишонмайди.
"Реал Мадрид" бу ёзда франциялик футболчи ПСЖни тарк этишга қарор қилса ҳам Килиан учун курашиш ниятида эмас. Шу билан бирга “Реал” мутасаддилари ПСЖ ҳеч қачон Мбаппега бўлган талабларини камайтирмаслигини билиб турибди. Шу боис “қаймоқранглилар” ёзда парижликлар билан футболчини сотиб олиш борасида музокара олиб боришни истамаяпти.
Мбаппе Франция чемпионатининг жорий мавсумида 23 та ўйинда майдонга тушиб, 19 та гол урди ва 3 та голли узатмага муаллифлик қилган.
