Rasman: Sergey Milinkovich-Savich “Al-Hilol” bilan shartnoma imzoladi
Sport
−
13 iyul 2023 2441
Kecha, 12 iyul kuni Saudiya Arabistonining “Al-Hilol” klubi serbiyalik futbolchi Sergey Milinkovich-Savich bilan shartnoma imzoladi. Bu haqda klub Matbuot xizmati xabar berdi.
Ma’lum qilinishicha, 28 yoshli yarim himoyachi Saudiya klubi bilan 2026 yilning 30 iyuniga qadar mo‘ljallangan 3 yillik shartnoma tuzgan.
“Transfermarkt” internet-portaliga ko‘ra, serbiyalikning taxminiy qiymati 50 million yevroni tashkil qiladi. Bunga qadar “Al-Hilol” “Latsio”ga Milinkovich uchun 40 million yevro to‘lashi, futbolchining o‘zi esa Saudiya klubi bilan “3+1” ko‘rinishidagi shartnoma tuzib, har mavsum uchun 20 million yevro maosh olishi haqida norasmiy xabarlar tarqagan edi.
Ma’lumot uchun, Sergey Milinkovich-Savich 2022/2023 yilgi mavsumda Italiya A Seriyasida Rim klubi nomidan 36 ta o‘yin o‘tkazib, 9 ta gol urgan va 8 ta golli uzatmaga mualliflik qilgan.
