Prezident “balo” deb atagan “Tax Gap” rasman bekor qilindi

Qo‘shimcha qiymat solig‘ini qoplash (qaytarish)da soliq uzilishi koeffitsiyentini qo‘llash amaliyoti (Tax gap) taqiqlandi. Bu haqda Soliq qo‘mitasi xabar berdi.

Unga ko‘ra, QQS bo‘yicha guvohnomaning amal qilishini to‘xtatib turish tartibi ham bekor qilindi. 

Endilikda amalga oshirilayotgan bitimlar (opersiyalar) xarid qilinayotgan va realizatsiya qilinayotgan tovarlar (xizmatlar) nomenklaturasiga nomuvofiq bo‘lgan holatlarda QQS guvohnomasining amal qilish muddati to‘xtatib turilishi mumkin. 

Shuningdek, foyda solig‘idan har oy bo‘nak to‘lovlarini to‘laydigan tadbirkorlik sub’ektlari daromadining chegaraviy miqdori 5 mlrd so‘mdan 10 mlrd so‘mga oshirildi. 

Kameral soliq tekshiruvida:

• soliq to‘lovchining hududiga kirish, uning hududini va binoalrini ko‘zdan kechirish, undan hujjatlarni talab qilib olish va uni chaqirtirish, uning hujjatlari va buyumlarini olib qo‘yish taqiqlandi.
• QQSni qoplash (qaytarish)da o‘tkaziladigan kameral soliq tekshiruvi bundan mustasno.

Akobir Sayidov