Polshada samolyot qulashi oqibatida 5 kishi halok bo‘ldi (video)

Cessna samolyoti Polsha markazida odamlar bilan to‘la angarga qulab tushdi. Oqibatda besh kishi halok bo‘ldi, bir necha kishi yaralandi. Bu haqda mamlakat qutqaruv xizmati xabar berdi.

Hodisa Varshavadan 40 km uzoqlikda, Xrsinno qishlog‘ida sodir bo‘lgan. 

Polsha matbuot agentligiga ko‘ra, parashyutchilarni havoga ko‘tarish uchun foydalanilgan samolyot og‘ir ob-havo sharoitidagi qo‘nish vaqtida qulagan.

Qutqaruvchilarning bildirishicha, samolyot uchuvchisi va yana to‘rt kishi halok bo‘lgan, besh kishi jarohatlangan. 

Voqea joyida qutqaruv vertolyotlari ishlamoqda. 

“Bo‘ron yaqinlashayotganini bilgan har bir kishi xavfsiz joydan boshpana izlashi aniq. Afsuski, bu angar kutilganidek bo‘lib chiqmadi”, deydi Polsha o‘t o‘chirish xizmati matbuot kotibi Monika Novakovska-Brinda.

Samolyotda uchta uchuvchi bo‘lgan. Voqea oqibatida halok bo‘lgan uchuvchidan tashqari ikkinchi uchuvchi ham jarohat olgan.