Peskov Rossiya uchun asosiy xavf saqlanib qolayotganini aytdi

Kiyevning Ukrainaga "xavfsizlik kafolatlari" loyihasi mamlakatning NATOga qo‘shilish xavfini saqlab qoladi va Rossiya “maxsus harbiy operatsiyasi” zudlik bilan zarurligini yana bir bor tasdiqlaydi. Bu haqda bugun, 14 sentyabr kuni jurnalistlarga Rossiya Prezidenti matbuot kotibi Dmitriy Peskov ma’lum qildi. 

"Umuman olganda, biz ma’lum bir hujjat haqida gapiryapmiz. Ukraina NATOga a’zo bo‘lgunga qadar, ya’ni NATOdagi o‘rin uchun etalon bo‘lib qolmaguncha, ular ushbu hujjatni yodda tutishlarini hech kim yashirmaydi. Shunga ko‘ra, mamlakatimiz uchun asosiy xavf saqlanib qolmoqda va “maxsus harbiy operatsiya”ni amalga oshirish zaruriyatini keltirib chiqargan sabablardan biri yanada dolzarb bo‘lib bormoqda. De-fakto va de-yure, bu holat”, deydi Kreml vakili.

Peskov shuningdek, ushbu hujjat Ukraina uchun neytral maqomni anglatmasligini ham izohladi.

“Bu bizning xavfsizligimiz va milliy manfaatlarimizni ta’minlash uchun maxsus harbiy operatsiya o‘tkazish zarurligi va muhimligini yana bir bor ta’kidlaydi”, deydi u. 

Prezident matbuot kotibining eslatishicha, bahorda Rossiya Federatsiyasi va Ukraina delegatsiyalari tomonidan muhokama qilingan kelishuvlar matnida ham ba’zi xavfsizlik kafolatlari nazarda tutilgan.  

“Garchi [ular], aytmoqchi, paraflangan butunlay boshqa matn ostida edi. Ammo, bilasizki, Ukraina tomoni ushbu matn ostida viza berishdan bosh tortgan. Va bu jarayon allaqachon tugallangan”, deydi Putinning vakili. 

Unga ko‘ra, Ukraina rahbariyati Rossiya uchun xavfsizlikka tahdidlarni bartaraf etishi kerak. Kreml matbuot kotibining ta’kidlashicha, agar 13 sentyabr kuni Kiyev tomonidan e’lon qilingan Ukraina uchun xalqaro xavfsizlik kafolatlari loyihasi imzolansa, Moskva bunga salbiy munosabat bildiradi. 

“Hozirgi status-kvo, hozirgi vaziyat bilan Ukrainaga bu davlat rahbariyatidan ko‘ra ko‘proq xavfsizlik kafolatini hech kim bera olmaydi. Faqatgina ushbu mamlakat rahbariyati tegishli ravishda Rossiya Federatsiyasiga tahdidni bartaraf etadigan choralarni ko‘rishi kerak. Kiyev bu harakatlar qanday bo‘lishi kerakligini juda yaxshi biladi”, deydi Peskov. 

Eslatib o‘tamiz, kecha, 13 sentyabr kuni Ukraina Prezidenti devoni “Kiyev xavfsizligi bo‘yicha kelishuv” loyihasini – Kiyevga xalqaro kafolatlar to‘g‘risidagi hujjatni e’lon qildi. Hujjatda, bir tomondan, Ukraina va AQSH, Yevropa Ittifoqi davlatlari va boshqa bir qator davlatlar o‘rtasida majburiy bitim tuzish taklif qilingan. Avvalgi takliflardan farqli o‘laroq, bu Kiyevning NATOga qo‘shilishdan bosh tortishi, Ukrainaning neytral maqomi yoki Rossiyaning mamlakat xavfsizligi kafolati sifatida ishtirok etishini anglatmaydi.