Peskov Putinning Rossiya, Qozog‘iston va O‘zbekiston ittifoqi tuzish havasini tushuntirib berdi

Rossiya Prezidenti Vladimir Putin Rossiya Federatsiyasi, Qozog‘iston va O‘zbekiston o‘rtasida gaz ittifoqi doirasida muvofiqlashtiruvchi mexanizm yaratishni taklif qilmoqda. Ehtimol, buning uchun qandaydir yuridik shaxs kerak bo‘lar. Bu haqda Rossiya yetakchisining matbuot kotibi Dmitriy Peskov jurnalistlar bilan muloqotda so‘z ochdi. 

"Prezident Putin birinchi bosqichda muvofiqlashtirish mexanizmini yaratishni nazarda tutmoqda. Balki – albatta, bu hali muhokama qilinishi kerak – qandaydir yuridik shaxs bilan: bu uch davlat o‘rtasidagi hamkorlik uchun ham, infratuzilmani rivojlantirish uchun ham, keyinchalik tashqi bozorlar uchun”,  deya tushuntirdi Kreml vakili. 

Peskov bunday ittifoqni tashkil etish sabablari haqida gapirar ekan, Qozog‘istonning ham, O‘zbekistonning ham o‘z iqtisodi tez rivojlanayotganiga, jumladan, ichki gazga bo‘lgan ehtiyoj ortib borayotganiga e’tibor qaratdi.  

"Bundan tashqari, har ikki davlat tashqi bozorlarda ham savdo qiladi. Tabiiyki, Rossiya Federatsiyasi tashqi bozorlarda ham savdo qiladi. Va, albatta, bu biroz sinxronlashtirishni talab qiladi", deydi u. 

Bundan tashqari, Prezident matbuot kotibining so‘zlariga ko‘ra, Rossiya va Qozog‘iston Yevroosiyo iqtisodiy ittifoqidagi hamkorlar sifatida ushbu sohani rivojlantirish, kelajakda esa umumiy energiya bozorlarini yaratish bo‘yicha ham muayyan rejalarga ega. 

"O‘zbekiston, o‘zingiz bilganingizdek, YeOIIga ham ko‘z tikmoqda, kuzatuvchi hisoblanadi. Shuning uchun ham buyerda muvofiqlashtirish va sinxronlashtirish juda muhim", deya qo‘shimcha qildi Kreml matbuot kotibi. 

Peskovning alohida ta’kidlashicha, an’anaviy ravishda Shimoliy Qozog‘istonning ehtiyoji Rossiyadan gaz bilan ta’minlanadi.  

“Qozog‘istonning u yerda o‘ziga xos imkoniyatlari yo‘q. Variantlar bor: yo Rossiyadan gaz olib, Shimoliy Qozog‘istonning ehtiyojlarini qondirish yoki u yerga yangi quvur tizimini tortish uchun katta o‘nlab milliard dollar sarflash", deydi u.  

Rossiya,  o‘z navbatida, Sharqiy Sibirda yangi gaz viloyatini rivojlantirmoqda – ham eksport, ham ichki ehtiyojlarni qondirish uchun.  

“Bularning barchasi uch davlat – Rossiya, Qozog‘iston, O‘zbekiston o‘rtasida aniq harakatlar, munozaralar, muvofiqlashtirishni qo‘shishni talab qiladi”, deya xulosa qildi Prezident matbuot kotibi. 

Fikrning dolzarbligi

Umuman olganda, Peskov ta’kidlaganidek, Rossiya, Qozog‘iston va O‘zbekistonning gaz ittifoqini yaratish g‘oyasi nihoyatda dolzarb va bu davlatlar manfaatlariga mos keladi.  

“Gap bu juda muhim mintaqadagi ulkan, bepoyon hudud va, albatta, energiya, gaz va hokazolarni yetkazib berish yo‘nalishlari bu hudud uchun nihoyatda dolzarbligi haqida bormoqda. Keng tarmoq va harakatlarni muvofiqlashtirish yuqorida qayd etilgan uch mamlakat manfaatlariga javob beradi”, deb tushuntirdi u. 

Peskovning so‘zlariga ko‘ra, bu tashabbus aniq konturlarni shakllantirish nuqtai nazaridan yakunlanadi. 

Eslatib o‘tamiz, kecha, 28 noyabr kuni Qozog‘iston Prezidenti Qosim-Jomart To‘qayev Rossiya Bosh vaziri Mixail Mishustin bilan uchrashuvi chog‘ida Putin uch tomonlama gaz ittifoqini tuzish taklifi bilan chiqqani va bu haqda O‘zbekiston Prezidenti Shavkat Mirziyoyevga qo‘ng‘iroq qilmoqchi ekanini ma’lum qildi.