Parij Olimpiadasida 800 ta qalbaki medalni sotishga uringan shaxs ushlandi

Fransiyada bo‘lib o‘tayotgan 2024 yilgi yozgi Olimpiada o‘yinlarida Parij Olimpiadasining ramzi tushirilgan qalbaki medallarni sotayotgan braziliyalik erkak qo‘lga olindi. Bu haqda “Le Parisien” xabar berdi.

Unga ko‘ra, joriy yilning 23 iyul kuni Olimpiada o‘yinlari ochilishidan bir necha kun oldin Braziliyadan kelgan 39 yoshli gumonlanuvchi Parijning 12-okrugidagi ko‘chada jinoyat ustida ushlangan. Qo‘lga olish vaqtida huquqbuzarning yonidan 11 ta qalbaki medal, 500 yevrolik soxta banknota topilgan.

Tergovchilar uning ijaraga olingan kvartirasini ko‘zdan kechirish chog‘ida 198 dona shnurli to‘liq medal, 666 dona shnursiz to‘liq bo‘lmagan medal, 655 ta zargarlik buyumlari va “Parij 2024” emblemasi tushirilgan 727 dona kordon topilgan. Shuningdek, 1340 yevro naqd pul topilgan.

Avvalroq, Parijda Olimpiada o‘yinlariga qalbaki chiptalar sotish bo‘yicha oltita ish ochilgan edi. Sayyohlar va mahalliy aholi firibgarlik aybi bilan politsiyaga murojaat qilgan. Jumladan, 19 yoshli qiz qalbaki veb-saytdan topib olgan qalbaki QR-kodli chiptalar uchun 870 yevro to‘lagan.

Olimpiya qishlog‘ida yashovchi sportchilar va murabbiylar ham shaxsiy buyumlari yo‘qolganligi haqidagi arizalar bilan politsiya bo‘limiga kelgan. Misol uchun, yaponiyalik regbichi zargarlik buyumlarini yo‘qotib qo‘ydi va uning kvartirasida saqlanayotgan 3 ming yevroni yo‘qotdi. Majburiy kirish belgilari topilmadi.

Eslatib o‘tamiz, avvalroq Fransiya hukumati 40 ta davlat bilan hamkorlikda Parijdagi Olimpiada o‘yinlari xavfsizligini ta’minlayotgani haqida xabar berilgandi.