OTMga kirish test sinovlariga oid qo‘shimcha ma’lumot berildi
Jamiyat
−
29 iyul 2023 14976
2023-2024 o‘quv yili uchun OTMga kirish test sinovlari respublika bo‘yicha 72 ta binoda bo‘lib o‘tadi. Bu haqda Bilimni baholash agentligi matbuot xizmati xabar berdi.
Unga ko‘ra, bir smenada 1 274 ta guruhda 38 220 nafar, bir kunda (ikki smenada) 2 548 ta guruhda 76 440 nafar abituriyent test sinovida ishtirok etadi.
Test sinovlari barcha hududlarda 1 avgust kuni boshlanib, hududlardagi abituriyentlar soni va binolar sig‘imidan kelib chiqqan holda 11 kundan 13 kungacha davom etadi.
Eslatib o‘tamiz, 2023-2024 o‘quv yilida oliy ta’lim muassasalarining bakalavriat ta’lim yo‘nalishlariga o‘qishga kirish uchun onlayn ro‘yxatdan o‘tgan abituriyentlarga “Abituriyent ruxsatnomasi”ni berish boshlangani haqida xabar berilgandi.
