Абитуриентларга рухсатномалар бериш бошланди
Жамият
−
28 Июль 2023 5773
2023-2024 ўқув йилида олий таълим муассасаларининг бакалавриат таълим йўналишларига ўқишга кириш учун онлайн рўйхатдан ўтган абитуриентларга “Абитуриент рухсатномаси”ни бериш бошланди. Бу ҳақда Билимни баҳолаш агентлиги маълум қилди.
Абитуриентлар тест синовларида иштирок этиш учун “Абитуриент рухсатномаси”ни my.uzbmb.uz сайтига шахсий идентификация рақами ҳамда паспорт серияси ва рақамини киритган ҳолда олишлари мумкин.
Абитуриентлар тест синовига паспорт (ID-карта) ва абитуриент рухсатномаси билан белгиланган вақтдан кечикмаган ҳолда келишлари лозим.
“Паспорт нусхаси ёки бошқа ҳужжатлар билан келган, шунингдек, кечикиб келган абитуриентлар тест синовларига киритилмайди”, дейилади хабарда.
Эслатиб ўтамиз, аввалроқ агентлик 2023-2024 ўқув йили учун олий таълим муассасаларига кириш тест синовлари жорий йилнинг 1 август кунидан бошланишини маълум қилганди.
Live
Барчаси