OTMga qabul kvotalari tasdiqlandi
Jamiyat
−
21 iyul
18204Prezidentning 2024 yil 19 iyuldagi 36-sonli farmoyishi bilan 2024/2025 o‘quv yili uchun davlat oliy ta’lim muassasalariga o‘qishga qabul qilishning davlat buyurtmasi (granti) parametrlari tasdiqlandi. Bu haqda Oliy ta’lim, fan va innovatsiyalar vazirligi xabar berdi.
Unga ko‘ra:
- bakalavr kunduzgi ta’lim shakliga – 34 ming 838 nafar;
- magistratura bo‘yicha – 9 ming 365 nafar grant o‘rinlari ajratilgan.
Ma’lumot uchun, joriy yilda kvotalar OTMlar kesimida emas, balki yo‘nalishlar kesimida hamda faqat davlat granti uchun e’lon qilindi, to‘lov-kontrakt uchun esa yo‘q. Bu kvotalar sirtqi, kechki va masofaviy ta’lim shakli uchun emas, aksincha, faqat kunduzgi ta’lim shakli uchun amalda bo‘ladi.
Batafsil kvotalar Davlat qabul komissiyasi tomonidan taxminan 1 haftada e’lon qilinishi kutilmoqda.
Eslatib o‘tamiz, avvalroq OTMlarga kirish imtihonlari boshlangani haqida xabar berilgandi. Shuningdek, abituriyentlardan tyest sinovi olinadigan binolar ro‘yxati e’lon qilingandi.