Osmondagi saroy. Roman Abramovichning shaxsiy samolyotiga sayohat (fotogalereya)

Britaniyaning “The Sun” nashri rossiyalik oligarx, “Chelsi“ klubi egasi Roman Abramovichning sirlaridan birini oshkor qildi. Ma’lum bo‘lishicha, uning sevimli “Bandit” xususiy samolyotining salonida 66 million funt sterling miqdorida 30 ta mehmon uchun hashamatli ziyofat xonasi va oltin buyumlar mavjud.

Rossiyalik oligarx uni 2004 yilda, Angliyaning “Chelsi“ futbol klubini sotib olganidan bir yil o‘tib xarid qilgan. Xullas, Abramovichning “Bandit“i osmonda joylashgan saroydir. Bunga o‘zingiz guvoh bo‘ling.

Foto: Jet Aviation

Bortda ziyofat xonasi mavjud bo‘lib, unda 30 ta mehmonga atab ziyofat o‘tkazish mumkin.

Foto: Jet Aviation

Modifikatsiyaning bir qismi sifatida oshxona, ofis va ikki kishilik yotoqxona o‘rnatilgan.

Foto: Jet Aviation

Samolyotning ichki qismi qimmatbaho metall va yog‘ochdan, shu jumladan kashtan va oltin bezaklardan yasalgan.

Foto: Jet Aviation

“Bandit“ AQSH Prezidenti Donald Tramp egalik qiladigan “Air Force One” bilan bir xil xavfsizlik tizimiga ega.

Foto: Jet Aviation

Taxminan 1,5 million funt sterlingga teng havo hujumiga qarshi tizim samolyotga qarata uchirilgan har qanday ballistik raketalarga qarshi turishga qodir.