Osiyo kubogi-2023: Bugun O‘zbekiston Avstraliyaga qarshi o‘ynaydi

Bugun, 23 yanvar kuni futbol bo‘yicha Osiyo kubogining 3-tur o‘yinlari davom ettiriladi. “B” guruhidan o‘rin olgan O‘zbekiston milliy terma jamoasi guruh g‘olibligi uchun Avstraliyaga qarshi bahs olib boradi.

Oxirgi marta mazkur jamoalar 2019 yil BAAda o‘tkazilgan Osiyo kubogining pley-off bosqichida to‘qnash kelgandi. O‘shanda penaltilar seriyasida avstraliyaliklarning qo‘li baland kelgan. Bundan 13 yil avval aynan Qatar mezbonlik qilgan qit’a birinchiligida O‘zbekiston-Avstraliya o‘zaro kuch sinashgan va o‘shanda yashil qit’a vakillari O‘zbekiston terma jamoasini 6:0 hisobida mag‘lub etgan.

Umumiy hisobda jamoalar 4 marta to‘qnash kelgan, shulardan 3 tasida Avstraliyaning qo‘li baland kelgan, 1 ta bahsda esa durang qayd etilgan. To‘plar nisbati 9:0 Avstraliya foydasiga.

Ma’lumot uchun, O‘zbekiston-Avstraliya bahsi soat 16:30 da start oladi. Uchrashuvga “Al-Janub” stadioni mezbonlik qiladi.