Осиё кубоги-2023: Бугун Ўзбекистон Австралияга қарши ўйнайди

Sport

−

23 January 2024 visibility9410 timer1 minute

Бугун, 23 январь куни футбол бўйича Осиё кубогининг 3-тур ўйинлари давом эттирилади. “B” гуруҳидан ўрин олган Ўзбекистон миллий терма жамоаси гуруҳ ғолиблиги учун Австралияга қарши баҳс олиб боради.

Охирги марта мазкур жамоалар 2019 йил БААда ўтказилган Осиё кубогининг плей-офф босқичида тўқнаш келганди. Ўшанда пенальтилар сериясида австралияликларнинг қўли баланд келган. Бундан 13 йил аввал айнан Қатар мезбонлик қилган қитъа биринчилигида Ўзбекистон-Австралия ўзаро куч синашган ва ўшанда яшил қитъа вакиллари Ўзбекистон терма жамоасини 6:0 ҳисобида мағлуб этган.

Умумий ҳисобда жамоалар 4 марта тўқнаш келган, шулардан 3 тасида Австралиянинг қўли баланд келган, 1 та баҳсда эса дуранг қайд этилган. Тўплар нисбати 9:0 Австралия фойдасига.

Маълумот учун, Ўзбекистон-Австралия баҳси соат 16:30 да старт олади. Учрашувга “Ал-Жануб” стадиони мезбонлик қилади.

Author