Nursulton Ro‘ziboyevning jangi muddatidan oldin yakunlandi
Sport
−
02 iyul 2023 18361
Bugun, 2 iyul kuni yarim o‘rta vazn toifasidagi o‘zbekistonlik UFC janchisi Nursulton Ro‘ziboyev UFC Vegas 76 turniri doirasida braziliyalik Bruno Ferreyraga qarshi oktagonga ko‘tarildi.
5 daqiqadan 3 raundga mo‘ljallangan jang bor yo‘g‘i 1 daqiqa 20 soniya davom etdi. Bunga qadar 10 ta jang o‘tkazib, barchasida muddatidan oldin g‘alabaga erishgan braziliyalik Bruno Ferreyra bu safar O‘zbekiston vakili Nursulton Ro‘ziboyev tomonidan nokautga uchratildi.
Bu orqali Nursulton ham jangda, ham turnirning “Kecha chiqishi” nominatsiyasida g‘oliblikni qo‘lga kiritdi. Endilikda u tashkilot tomonidan kafolatlangan gonorardan tashqari UFC'ning maxsus 50 ming dollarlik bonusiga ham ega chiqadigan bo‘ldi.
Ma’lumot uchun, Ro‘ziboyev bunga qadar 43 marta oktagonga ko‘tarilib, 35 ta jangida g‘alaba qozongan, 8 ta bahsda esa raqiblariga imkoniyatni boy bergan.
Live
Barchasi29 Oktabr
