Nomusga tegish, qotillik, poraxo‘rlik... 2021 yilda O‘zbekistonda qanday jinoyatlar ko‘paydi?

2021 yilda O‘zbekistonda bezorilik, o‘g‘rilik va poraxo‘rlik jinoyatlari sezilarli ko‘paygan. Bu haqda Oliy sud raisi o‘rinbosarlari ishtirokidagi Matbuot anjumanida aytib o‘tildi.

Sudlarda ko‘rilgan jinoyatlar tahliliga ko‘ra,

•    qasddan odam o‘ldirish – 16,7 foizga;
•    qasddan badanga og‘ir va o‘rtacha og‘irlikdagi shikast yetkazish – 61 foizga;
•    nomusga tegish – 13,5 foizga;
•    bosqinchilik – 59,3 foizga;
•    talonchilik – 1,8 baravar;
•    o‘zlashtirish yoki rastrata yo‘li bilan talon-toroj qilish – 1,5 baravar;
•    o‘g‘rilik – 66,2 foizga;
•    poraxo‘rlik – 56,9 foizga;
•    harakat xavfsizligi qoidalarini buzish – 28,7 foizga;
•    transport vositalarini olib qochish – 39,2 foizga;
•    bezorilik – 87,6 foizga ko‘paygan.

Shu bilan birga qator jinoyat kamaygan. Jumladan:

•    aliment to‘lash – 10,8 foizga;
•    Valyuta qimmatliklarini qonunga xilof ravishda olish yoki o‘tkazish– 24,5 foiz;
•    Chigitdan olinadigan mahsulotni qonunga xilof ravishda ishlab chiqarish yoki muomalaga kiritish – 68,4 foiz;
•    Kuchli ta’sir qiluvchi yoki zaharli moddalarni qonunga xilof ravishda muomalaga kiritish – 83,3 foizga kamaygan.

2021 yildagi huquqbuzarliklar tahlil qilinganda:

•    transport vositalari haydovchilarining yo‘l harakati qoidalarini buzishi jabrlanuvchiga yengil tan jarohati yoki ancha miqdorda moddiy zarar yetkazilishiga olib kelishi – 55,4 foizga;
•    savdo yoki xizmat ko‘rsatish qoidalarini buzish – 7,6 baravarga;
•    mayda bezorilik – 35,1 foizga ko‘paygani;

•    noqonuniy tadbirkorlik faoliyati – 66,4 foizga;
•    epidemiyalarga qarshi kurashish qoidalarini buzish – 55,1 foizga;
•    elektr issiqlik energiyasi, gazdan foydalanish qoidalarini buzish – 86,4 foizga;
•    litsenziyalash, ruxsat berish va xabardor qilish tartib-taomillari to‘g‘risidagi qonunchilikni buzish – 87,3 foizga kamaygani ma’lum bo‘lgan.