Номусга тегиш, қотиллик, порахўрлик... 2021 йилда Ўзбекистонда қандай жиноятлар кўпайди?

2021 йилда Ўзбекистонда безорилик, ўғрилик ва порахўрлик жиноятлари сезиларли кўпайган. Бу ҳақда Олий суд раиси ўринбосарлари иштирокидаги Матбуот анжуманида айтиб ўтилди.

Судларда кўрилган жиноятлар таҳлилига кўра,

•    қасддан одам ўлдириш – 16,7 фоизга;
•    қасддан баданга оғир ва ўртача оғирликдаги шикаст етказиш – 61 фоизга;
•    номусга тегиш – 13,5 фоизга;
•    босқинчилик – 59,3 фоизга;
•    талончилик – 1,8 баравар;
•    ўзлаштириш ёки растрата йўли билан талон-торож қилиш – 1,5 баравар;
•    ўғрилик – 66,2 фоизга;
•    порахўрлик – 56,9 фоизга;
•    ҳаракат хавфсизлиги қоидаларини бузиш – 28,7 фоизга;
•    транспорт воситаларини олиб қочиш – 39,2 фоизга;
•    безорилик – 87,6 фоизга кўпайган.

Шу билан бирга қатор жиноят камайган. Жумладан:

•    алимент тўлаш – 10,8 фоизга;
•    Валюта қимматликларини қонунга хилоф равишда олиш ёки ўтказиш– 24,5 фоиз;
•    Чигитдан олинадиган маҳсулотни қонунга хилоф равишда ишлаб чиқариш ёки муомалага киритиш – 68,4 фоиз;
•    Кучли таъсир қилувчи ёки заҳарли моддаларни қонунга хилоф равишда муомалага киритиш – 83,3 фоизга камайган.

2021 йилдаги ҳуқуқбузарликлар таҳлил қилинганда:

•    транспорт воситалари ҳайдовчиларининг йўл ҳаракати қоидаларини бузиши жабрланувчига енгил тан жароҳати ёки анча миқдорда моддий зарар етказилишига олиб келиши – 55,4 фоизга;
•    савдо ёки хизмат кўрсатиш қоидаларини бузиш – 7,6 бараварга;
•    майда безорилик – 35,1 фоизга кўпайгани;

•    ноқонуний тадбиркорлик фаолияти – 66,4 фоизга;
•    эпидемияларга қарши курашиш қоидаларини бузиш – 55,1 фоизга;
•    электр иссиқлик энергияси, газдан фойдаланиш қоидаларини бузиш – 86,4 фоизга;
•    лицензиялаш, рухсат бериш ва хабардор қилиш тартиб-таомиллари тўғрисидаги қонунчиликни бузиш – 87,3 фоизга камайгани маълум бўлган.