Nodirbek Abdusattorov 50 ming dollarlik turnirda g‘olib bo‘ldi
Sport
−
09 iyul
6545O‘zbekistonlik grossmeyster Nodirbek Abdusattorov Toshkent shahrida o‘tkazilgan FIDE jahon chempioni, grossmeyster Rustam Qosimjonov xalqaro turnirida chempion bo‘ldi. Bu haqda QALAMPIR.UZ manbasi xabar berdi.
Musobaqaning oxirgi turida Abdusattorov ozarbayjonlik Shahriyor Mamadiyorovga qarshi dona surib, durangga imzo chekdi. Umumiy hisobda 19 yoshli Nodirbek 6,5 ochko jamg‘arib, 1-o‘rinni band etdi.
Turnirning amaldagi g‘olibi o‘zbekistonlik Javohir Sindarov 6 ochko bilan, 2-o‘rinni egalladi. Kuchli uchlikka 5,5 ochko bilan Shahriyor Mamadiyorov yakun yasab berdi.
Qo‘shimcha reyting ballariga ko‘ra, Rustam Qosimjonov 5-pog‘onani band etdi.
Abdusattorov musobaqa g‘olibi sifatida 12 ming, 2-o‘rin egasi Javohir Sindorov 8 ming, Shahriyor Mamadiyorov esa 6 ming AQSH dollari bilan taqdirlandi.
LiveBarchasi