Nihoyat! Tramp Putinga tahdid qilishni boshladi

AQSH Prezidenti Donald Tramp Rossiya rahbari Vladimir Putin Ukraina yetakchisi Vladimir Zelenskiy rahbariyatining ishonchliligini tanqid qilganida “juda g‘azablangani” va “jahli” chiqqanini aytdi va bu izohlar “to‘g‘ri emasligini” qo‘shimcha qildi. Bu haqda u kecha, 30 mart kuni NBC News'ga telefon orqali bergan intervyusida so‘z ochdi.

Ma’lumki, Putin 28 mart kuni Ukrainada Zelenskiyni siqib chiqarishi mumkin bo‘lgan o‘tish hukumatini o‘rnatishga chaqirgandi.

“Agar Rossiya va men Ukrainadagi qon to‘kilishini to‘xtatish bo‘yicha kelishuvga erisha olmasak va bu Rossiyaning aybi deb o‘ylasam – bu bo‘lmasligi ham mumkin – lekin Rossiyaning aybi deb o‘ylasam, neftga, Rossiyadan chiqadigan barcha neftga ikkilamchi tariflarni qo‘yaman. Agar siz Rossiyadan neft sotib olsangiz, Qo‘shma Shtatlarda biznes qila olmaysiz. Barcha neft uchun 25% tarif, barcha neft uchun 25 dan 50 ballgacha bo‘lgan tarif bo‘ladi. AQSHda sotiladigan neft va boshqa mahsulotlarga 25% boj, ikkilamchi tariflar bo‘ladi”, dedi Tramp.

U sulh bitimi bo‘lmasa, Rossiyaga bojlar bir oy ichida kuchga kirishini aytdi.

north_east

Guterrish Putinning Ukrainada tashqi boshqaruv joriy etish taklifiga javob qaytardi

Trampning aytishicha, Putin uning g‘azablanganini biladi. Shunga qaramasdan AQSH Prezidenti Putin “bilan juda yaxshi munosabatda” ekanini va “agar u to‘g‘ri ish qilsa, g‘azab tez tarqalishi”ni bildirdi.

Shuningdek, Tramp shu hafta yana Putin bilan gaplashishini ma’lum qildi. 

Eslatib o‘tamiz, kecha, 30 mart kuni AQSH Prezidenti Donald Tramp Air Force One bortida jurnalistlar bilan uchrashuvda Ukraina Prezidenti Vladimir Zelenskiyni Vashington va Kiyev o‘rtasidagi foydali qazilmalar bo‘yicha kelishuvdan chiqish niyatidalikda ayblagan va unga atta muammolar bilan tahdid qilgandi.