Ниҳоят! Трамп Путинга таҳдид қилишни бошлади

АҚШ Президенти Дональд Трамп Россия раҳбари Владимир Путин Украина етакчиси Владимир Зеленский раҳбариятининг ишончлилигини танқид қилганида “жуда ғазаблангани” ва “жаҳли” чиққанини айтди ва бу изоҳлар “тўғри эмаслигини” қўшимча қилди. Бу ҳақда у кеча, 30 март куни NBC News'га телефон орқали берган интервьюсида сўз очди.

Маълумки, Путин 28 март куни Украинада Зеленскийни сиқиб чиқариши мумкин бўлган ўтиш ҳукуматини ўрнатишга чақирганди.

“Агар Россия ва мен Украинадаги қон тўкилишини тўхтатиш бўйича келишувга эриша олмасак ва бу Россиянинг айби деб ўйласам – бу бўлмаслиги ҳам мумкин – лекин Россиянинг айби деб ўйласам, нефтга, Россиядан чиқадиган барча нефтга иккиламчи тарифларни қўяман. Агар сиз Россиядан нефт сотиб олсангиз, Қўшма Штатларда бизнес қила олмайсиз. Барча нефть учун 25% тариф, барча нефть учун 25 дан 50 баллгача бўлган тариф бўлади. АҚШда сотиладиган нефть ва бошқа маҳсулотларга 25% бож, иккиламчи тарифлар бўлади”, деди Трамп.

У сулҳ битими бўлмаса, Россияга божлар бир ой ичида кучга киришини айтди.

north_east

Гутерриш Путиннинг Украинада ташқи бошқарув жорий этиш таклифига жавоб қайтарди

Трампнинг айтишича, Путин унинг ғазабланганини билади. Шунга қарамасдан АҚШ Президенти Путин “билан жуда яхши муносабатда” эканини ва “агар у тўғри иш қилса, ғазаб тез тарқалиши”ни билдирди.

Шунингдек, Трамп шу ҳафта яна Путин билан гаплашишини маълум қилди. 

Эслатиб ўтамиз, кеча, 30 март куни АҚШ Президенти Дональд Трамп Air Force One бортида журналистлар билан учрашувда Украина Президенти Владимир Зеленскийни Вашингтон ва Киев ўртасидаги фойдали қазилмалар бўйича келишувдан чиқиш ниятидаликда айблаган ва унга атта муаммолар билан таҳдид қилганди.