Mundialda kim uzoqroqqa boradi: Messi yoki Ronaldu? Flik javob berdi

Germaniya terma jamoasi bosh murabbiyi Xans-Diter Flik Krishtianu Ronaldu va Lionel Messi haqidagi fikrlari bilan o‘rtoqlashdi.

“Men ikka futbolchini ham juda hurmat qilaman. Messi Argentina terma jamoasidagi o‘yinlarida ajoyib formada ekanligini ko‘rsatdi. Ronalduga kelsak, so‘nggi paytlarda “Manchester Yunayted”da muammolarga duch kelgani uchun uni Jahon chempionatida hal qiluvchi rol o‘ynay olmaydi, deb o‘ylash xato bo‘ladi. Mundial bahslarida Messi va Ronalduga qarshi emas, Argentina va Portugaliyaga qarshi o‘ynash kerak. Ularning ikkisidan qay biri chempionatda uzoqroqqa borishi haqida aytadigan bo‘lsak, men Messi deb javob berardim”, deydi Flik.

Ma’lumot uchun, joriy mavsumda Messi PSJ safida umumiy 18 ta o‘yinda maydonga tushib, 12 ta gol urdi va 14 ta golga hammualliflik qildi. Ronaldu esa Manchester klubi safida 16 ta bahsda qatnashib, uch bora raqiblar darvozasini ishg‘ol qildi.

Eslatib o‘tamiz, Jahon chempionati bahslari 20 noyabr kuni start oladi. Argentina  terma jamoasi mundialdagi ilk bahsini 22 noyabr kuni Saudiya Arabistoniga qarshi o‘tkazsa, Portugaliya 24 noyabr kuni Gana termasi bilan bahs olib boradi.