MSK: Toqayev g‘alaba qildi!

Qozog‘iston Respublikasi Markaziy saylov komissiyasi kecha, 9  iyun kuni bo‘lib o‘tgan Qozog‘iston Respublikasi Prezidentligi uchun navbatdan tashqari saylovning yakuniy natijalarini e’lon qildi. Unga ko‘ra, eng yuqori natijani mamlakatning amaldagi Prezidenti Qosim-Jomart Toqayev qayd etgan. 

Markaziy saylov komissiyasi raisi Konstantin Petrov tomonidan ilgari surilgan dastlabki ma’lumotlarga ko‘ra, Qosim-Jomart Toqayev 70,76% foiz ovoz to‘pladi. Ya’ni, 6 504 054 nafar qozog‘istonliklar unga ovoz bergan.

Amirjan Kosanovga 16,02% yoki umumiy saylovchilardan 1 472 733 kishi;

Daniya Yespayevaga 5,2% yoki umumiy saylovchilardan 470 153 kishi;

Jambil Axmetbekovga 1,82% yoki umumiy saylovchilardan 167 249 kishi;

Toleutay Rahimbekovga 3,2% yoki umumiy saylovchilardan 294 271

Amangeldi Taspixovga 2,07% yoki umumiy saylovchilardan 190 304 kishi;

Sadibek Tugelga 0,92% yoki umumiy saylovchilardan 84 348 kishi ovoz bergan. 

Markaziy saylov komissiyasi axborotiga ko‘ra, ovoz berish jarayonlarida 77,4% qozog‘istonlik ishtirok etgan. 

Eslatib o‘tamiz, O‘zbekiston Respublikasi Prezidenti Shavkat Mirziyoyev Qosim-Jomart Toqayevni saylovdagi ishonchli g‘alaba bilan tabriklagan edi.