Mirziyoyevning bayram tabrigi, Toshkent viloyati hokimligidagi “post”lar almashuvi, Jizzaxda tug‘ilgan uch egizak va kunning eng muhim voqealari sharhi

Yakuniga yetayotgan 4 iyun sanasida yuz bergan eng muhim voqea-hodisalar tafsiloti

Saida Mirziyoyeva: Ba’zida oilaviy dasturxonimiz uchun oshni Dadamlar damlab beradilar.

"Ba’zida oilaviy dasturxonimiz uchun oshni Dadamlar damlab beradilar. Biz esa ularga yordamchi. Arafa muborak!", deb post qoldirgan Saida Mirziyoyeva Instagramdagi sahifasida. 

Shavkat Mirziyoyev O‘zbekiston xalqiga Ramazon hayiti tabrigi yo‘lladi.

Bugun, 4 iyun kuni Prezident Mirziyoyev Ramazon hayiti bayrami munosabati bilan O‘zbekiston xalqiga tabrik yo‘lladi. Ushbu havola  orqali tabrikning to‘liq matni o‘qishingiz mumkin.

Toshkent viloyatining sobiq hokimi yana “post”ga qaytdi.

O‘zbekiston Respublikasi Prezidenti Shavkat Mirziyoyev farmoniga asosan Toshkent viloyati hokimining qishloq va suv xo‘jaligi masalalari bo‘yicha birinchi o‘rinbosari Rustam Qurbonnazarovich Xolmatov zimmasiga Toshkent viloyati hokimi vazifasini bajarish yuklatildi.

Rustam Xolmatov 2008 yildan 2013 yilgacha esa Toshkent viloyati hokimi bo‘lib ishlagan.

Toshkent viloyati hokimi ishdan olindi .

O‘zbekiston Respublikasi Prezidenti Shavkat Mirziyoyevning farmoniga asosan G‘ulomjon Inomovich Ibragimov salomatligi tufayli boshqa ishga o‘tishi munosabati bilan Toshkent viloyati hokimi lavozimidan ozod etildi.

Ma’lumot uchun, G‘ulomjon Ibragimov 2017 yilning noyabr oyida Toshkent viloyati hokimi vazifasini bajaruvchi, 2018 yilning 5 yanvar kuni esa Prezident tomonidan rasman hokim etib tayinlangan edi.

Jizzaxda uch egizak tug‘ildi. Otasi Cobalt minadiyov 

Jizzax viloyati Zarbdor tumani “Mustaqillik” mahallasida yashovchi Abdusamat Asqarov oilasida bir yo‘la uch o‘g‘il chaqaloq dunyoga keldi. Uch egizak chaqaloqqa ota-onasi yaxshi niyatlar bilan Shavkat, Mirziyo va Miromon ismlarini qo‘ygan.

Bugun O‘zbekistonda nega hayit nishonlanmadi, nega hali ham ro‘za tutyapmiz? 

Ma’lumki, bugun, 4 iyun kuni dunyoning ko‘plab mamlakatlarida, hatto, Rossiyada ham Ramazon hayiti bayrami nishonlanmoqda. Masjidlarda hayit namozi ado etildi. O‘zbekistonda bugun Ramazon oyining 30-kuni sifatida qayd etildi va Ramazon hayitini nishonlash 5 iyunga belgilandi. Ushbu holat ko‘plab bahs-munozaralarga sabab bo‘lmoqda. O‘zbekiston musulmonlar idorasi Fatvo hay’ati esa mazkur masala bo‘yicha rasmiy bayonot bilan chiqdi. 

Maqolani to‘liq bu yerda o‘qishingiz mumkin. 

Ikki oyda 26 kishini “uxlatgan” qizga jinoyat ishi ochildi 

Denovlik Soliya Salimova (ism-shariflar o‘zgartirildi) tuman markazida joylashgan aviakassada 2019 yilning mart va aprel oylarida Rossiya Federatsiyasiga ketmoqchi bo‘lgan 26 fuqaroga naqd 48 million 515 ming so‘mlik soxta aviachiptani pullab, ularni chuv tushirgan.

Mazkur holat bo‘yicha S.Salimovaga nisbatan O‘zbekiston Respublikasi Jinoyat Kodeksining tegishli moddasi bilan jinoyat ishi qo‘zg‘atildi.

Toshkentda bugun zilzila qayd etildi .

FVV Seysmoprognostik monitoring Respublika markazi xabar qilishicha, 2019 yil 4 iyun kuni Toshkent vaqti bilan 09:47da O‘zbekistonda yer silkinishi qayd etildi.  Zilzila kuchi 3 balldan yuqori bo‘lgan.

O‘zbekiston fuqarosini Portugaliyada pichoqlab o‘ldirishdi .