“Milan”ga yangi murabbiy tayinlandi
Sport
−
13 iyun 2619
Portugaliyalik mutaxassis Paulo Fonseka “Milan” klubi bosh murabbiyi etib tayinlandi. Bu haqda klub rasmiy sayti xabar berdi.
Manbaga ko‘ra, tomonlar uch yil muddatga shartnoma imzolagan. Fonseka “Milan”da yiliga 3,5 million yevro maosh oladi.
“Milan” Saudiyaning “Al-Ittihod” klubi ustozi Marselo Galyardoga ham qiziqish bildirayotgandi, biroq yakunda Fonseka murabbiylik postiga olib kelindi.
Fonsekaning avvalgi ish joyi Fransiyaning “Lill” klubi bo‘lib, mutaxassis 2022 yildan beri Fransiya klubini boshqarib kelayotgandi. Fonseka boshchiligida “Lill” Liga 1 ning so‘nggi mavsumida 59 ochko bilan 4-o‘rinni egalladi. Bungacha portugaliyalik mutaxassis Italiyaning “Roma”, Ukrainaning “Shaxtyor” va Portugaliya chempionatining bir qancha jamoalarini ham boshqargan.
