Milan derbisida Ibragimovich sobiq jamoadoshi bilan janjallashdi (video)

Kecha, 26 yanvar kuni Italiya futbolida alohida voqelik sifatida qaraladigan Milan derbisi bo‘lib o‘tdi. Unda “Inter” Italiya Kubogidan o‘rin olgan bahsda “Milan” ustidan 2:1 hisobida ustun keldi. 

Dastlab, Ibragimovich tomonidan o‘yinning 31-daqiqasida kiritilgan gol hisobiga “Milan” oldinga chiqib oldi. So‘ngra birinchi bo‘lim oxirida u sobiq jamoadoshi Romelu Lukaku bilan o‘zaro janjallashdi. Bu uchun shved sariq kartochka oldi. Ikkinchi bo‘lim o‘rtalarida Ibragimovich raqib jamoasiga ishlatgan qo‘polligi uchun ikkinchi sariq kartochkani oldi va maydondan chetlatildi. 

Zlatan Ibrahimovic and Romelu Lukaku went head-to-head 😳 pic.twitter.com/8U7nMpH4kH

— Goal (@goal) January 26, 2021

Ibragimovichsiz qolgan “Milan”ga 71-daqiqada Lukaku penaltidan va o‘yin oxirida Eriksen jarimadan gol urdi. Shu tariqa “Inter” g‘alabani ilib ketdi. 

Ma’lumot o‘rnida, Ibragimovich va Lukaku 2017-2018 yillarda Angliyaning “Manchester Yunayted” klubida birga harakat qilgan.