Meta ekstremistlar va terrorchilar ro‘yxatiga kiritildi

Meta korporatsiyasi Rosfinmonitoring ekstremistlar va terrorchilar reyestriga kiritilgan. Bu haqda bugun, 11 oktyabr kuni tashkilot saytida xabar berildi. 

Korporatsiya Meta Platforms Inc sifatida ro‘yxatga olingan. 

Rosfinmonitoringning Amerikaning Meta korporatsiyasini ekstremistlar va terrorchilar reyestriga kiritish haqidagi qarori WhatsApp messenjeri faoliyatiga cheklovlar joriy etilishini anglatmaydi, korporatsiya mahsulotlari foydalanuvchilari uchun qonuniy nuqtai nazardan hech narsani o‘zgartirmaydi, ular qonunni buzmaydi.

Bu haqda Federatsiya Kengashining Konstitutsiyaviy qonunchilik va davlat qurilishi qo‘mitasi rahbari Andrey Klishas ma’lum qildi. 

“Rosfinmonitoringning Meta’ni ekstremistik tashkilotlar ro‘yxatiga kiritish to‘g‘risidagi qarori Meta ijtimoiy tarmoqlari foydalanuvchilari uchun vaziyatni o‘zgartirmaydi, Meta mahsulot foydalanuvchilari qonunni buzmaydi”, deb yozdi senator o‘zining Telegram-kanalida. 

Uning qo‘shimcha qilishicha, Meta mahsulotlariga oid sud qaroridan keyin huquqiy vaziyat hech qanday tarzda o‘zgarmagan. 

“WhatsApp messenjerida hech qanday cheklovlar yo‘q”, deydi Klishas. 

Shuningdek, “Vesna” harakati ham ushbu shunday reyestrga kiritilgan: 2022 yil sentyabr oyida Sankt-Peterburg shahar prokuraturasi suddan ushbu tashkilotni ekstremistik deb tan olishni va uning Rossiyada faoliyatini taqiqlashni so‘ragan edi. 

Mart oyida Moskvaning Tverskoy tuman sudi Amerikaning Meta kompaniyasiga tegishli Instagram va Facebook ijtimoiy tarmoqlari faoliyatini ekstremistik deb tan oldi va ularning Rossiyada ishlashini taqiqladi.