Messi omadsiz seriyasiga barham bera olmayapti
Sport
−
22 noyabr 2023 4006
Argentinalik to‘p ustasi Lionel Messi 8 ta rasmiy uchrashuvdan beri Braziliya darvozasiga gol ura olmayapti. Bu haqda “Transfermarkt” xabar berdi.
Bugun, 22 noyabr tongida Argentina 2026-yilgi Jahon chempionati saralashi doirasida Braziliyani mag‘lub etdi (1:0). Uchrashuvda Messi hech qanday samarali harakatlarni amalga oshira olmadi.
Messi terma jamoada Jahon chempionati saralashida 5 ta o‘yin o‘tkazdi. U 2007, 2019 va 2021 yillarda o‘tkazilgan Amerika kubogida Pele vatandoshlari darvozasini ishgg‘ol qilishni uddalagan.
Braziliyaga qarshi 6 ta o‘rtoqlik o‘yinida Messi 5 ta gol urgan. Messi Braziliya darvozasiga gol urgan barcha o‘rtoqlik o‘yinlari Janubiy Amerikadan tashqarida o‘tkazilgan.
Ta’kidlash joiz, Jahon chempionati saralashi doirasida o‘tkazilgan Braziliya-Argentina bahsida Maradona vatandoshlari kichik hisobda zafar quchdi. Uchrashuvdagi yagona golga Nikolas Otamendi mualliflik qildi.
Live
Barchasi
