Месси омадсиз сериясига барҳам бера олмаяпти
Спорт
−
22 Ноябрь 2023 3921
Аргентиналик тўп устаси Лионель Месси 8 та расмий учрашувдан бери Бразилия дарвозасига гол ура олмаяпти. Бу ҳақда “Transfermarkt” хабар берди.
Бугун, 22 ноябрь тонгида Аргентина 2026-йилги Жаҳон чемпионати саралаши доирасида Бразилияни мағлуб этди (1:0). Учрашувда Месси ҳеч қандай самарали ҳаракатларни амалга ошира олмади.
Месси терма жамоада Жаҳон чемпионати саралашида 5 та ўйин ўтказди. У 2007, 2019 ва 2021 йилларда ўтказилган Америка кубогида Пеле ватандошлари дарвозасини ишгғол қилишни уддалаган.
Бразилияга қарши 6 та ўртоқлик ўйинида Месси 5 та гол урган. Месси Бразилия дарвозасига гол урган барча ўртоқлик ўйинлари Жанубий Америкадан ташқарида ўтказилган.
Таъкидлаш жоиз, Жаҳон чемпионати саралаши доирасида ўтказилган Бразилия-Аргентина баҳсида Марадона ватандошлари кичик ҳисобда зафар қучди. Учрашувдаги ягона голга Николас Отаменди муаллифлик қилди.
Live
Барчаси
