Mehnat migrantlari uchun dunyodagi eng jozibali mamlakat aniqlandi

2020 yil oxirida Kanada mehnat muhojirlari uchun eng jozibali mamlakatga aylandi. Bu haqda BCG va The Network tomonidan o‘tkazilgan “Jahon iste’dodlar bozorini tahlil qilish - jismoniy va virtual” tadqiqotiga asoslanib xabar berilgan. 

“Kanada mehnat muhojirlari uchun AQSHdan o‘zib ketgan eng jozibali mamlakatga aylandi”, deb ta’kidlagan tadqiqot mualliflari. 

Bundan tashqari, birinchi o‘ntalikka Avstraliya, Germaniya, Buyuk Britaniya, Yaponiya, Shveysariya, Singapur, Fransiya, Yangi Zelandiya kirgan. 

Shu bilan birga, so‘rov natijalariga ko‘ra, ish uchun boshqa mamlakatga ko‘chib o‘tishga qiziqish pasaygan. 

Shunday qilib, so‘rovnomada 190 mamlakatdan ishtirok etgan 209 ming respondentlardan taxminan 50 foizi boshqa mamlakatga ko‘chishga tayyor bo‘lgan, 2014 va 2018 yillarda bu ko‘rsatkichlar mos ravishda 64 foiz va 57 foizni tashkil etgandi. 

Xabarda aytilishicha, o‘tgan yili mehnat muhojirlari eng jozibali mamlakatlar deb yangi koronavirus infeksiyasi pandemiyasiga qarshi kurashda eng yaxshi ekanligini isbotlagan mamlakatlarni bilgan.

“Eng mashhur ish o‘rinlari o‘ntaligida yuqori darajaga ko‘tarila olgan deyarli barcha mamlakatlarda koronavirus infeksiyalari nisbatan kam bo‘lgan”, deya ta’kidlagan tadqiqotchilar.