Masharipov bir taym o‘ynagan bahsda Ronaldu jamoasi g‘alaba qozondi
Sport
−
11 mart 5848
Kecha, 10 mart kuni Elit Osiyo Chempionlar ligasi 1/8 final bosqichi javob o‘yinida Saudiyaning “Al-Nasr” klubi Eronning “Istiqlol”ini qabul qildi va yirik 3:0 hisobida g‘alaba qozondi.
Mazkur o‘yinda saudiyaliklar safida Ronalduning bir goli va Dyuranning dubli “Al-Nasr”ni keyingi bosqichiga olib chiqdi. Ushbu uchrashuvda eronliklar tarkibida o‘zbekistonlik futbolchi Jaloliddin Masharipov ikkinchi taym boshida maydonga tushdi.
Ma’lumot o‘rnida, shu yilning 3 mart kuni “Ozodi” stadionida bo‘lib o‘tgan ilk uchrashuvda hisob ochilmagan. Shu tariqa, ikki o‘yin natijasiga ko‘ra “Al-Nasr” 3:0 hisobini qayd etdi.
Qayd etish joiz, mazkur o‘yinni Ilgiz Tantashev boshchiligidagi o‘zbekistonlik hakamlar brigadasi boshqarib bordi.
Live
Barchasi
